وصفة السواك والأعشاب للقضاء على رائحة الفم الكريهة ونزيف اللثة

وصفة السواك والأعشاب للقضاء على رائحة الفم الكريهة ونزيف اللثة:

القضاء على رائحة الفم الكريهة والنزيف الي تيعانيوا منهم بزاف وتبييض الاسنان وعلاج الفم بشكل عام عليك بالتالي:

اول شيء حمام الفم المعالج والمطهر دقة بطلة كما تنقولوا:

المكونات:

2 معالق زعتر

طريف صغير ملحة حية مدقوقة

2 معالق خزامى

2 معالق يزير

حبيبات القرنفل

2 معالق بابونج

طريف السواك

وريقات من السالمية

شوية المعدنوس

الطريقة:

هاذ الشي كلو يتغسل وتكبي عليه الماء مغلي مزياااان وتغطيه وتخليه يطلق من بعد تصفيه وتعمليه في قرعة وتبقاي تمضمضي به فمك لمدة 10 دقائق غادي تحسي بالفرق بسرعة تيتكمد لك اللحم وما يبقاش منفوخ و تتنقى اللثة والاسنان واللسان من الباكتيريا و تعملي غرغرة كذلك ، وبهذا غادي تجبر لك اللثة وتماسك اللحم ديال الفم وما يبقاش يدوز لك بالدم تقدري ديري
بالزايد وتحتفظي به في الثلاجة لمدة اسبوع وكل ما بغيتيه يكفي دفيه شوية وهاهو واجد.

ومن بعد قبل تنعسي دهني السنان بزيت العود ودوزي بالشيتة ديالك الي تكون رطبة ماشي قاصحة لان الشيتة فيها 3 الانواع الرطبة والمتوسطة والقاصحة الي فمها تدوز بالدم تستعمل الشيتة الرطبة ومع هاذ الحمام ان شاء الله تقضي على المشكل ديالها ، وفي الصباح عاودي بحمام الفم في البرد تقدري تسخنيه وبمشيئة الله تتمشي الرائحة الكريهة ويتنقى الفم بشكل عام ويتعالج من النزيف.