نقدم لك سيدتي طريقة تحضير فطيرة بالكفتة و صلصة الطماطم:

المقادير :

• العجينة :
• 280 غرام الدقيق
• معلقة صغيرة خميرة الخبز
• بيضة
• نصف معلقة صغيرة ملح
• 50 ميليلتر زيت الزيتون
• 120 مليلتر حليب دافي
• للتزيين :
• القليل من الحليب
• الزنجلان
• الحبة السوداء
• الحشوة :
• 320 غرام كفتة النوع من اختيارك
• 300 غرام مطيشة
• 3 فصوص الثوم
• قبطة صغيرة من القزبر و المعدنوس
• 3 معالق صغار مركز الطماطم
• 2 بطلات
• 300 غرام فطر طري
• زيت الزيتون
• ملح
• ابزار
• ثومة غبرة
• فرماج

طريقة التحضير : 

نخدمو العجينة كنديرو فاناء الطحين و الملح نمزجوهم و نزيدو عليهم البيض و الخميرة و زيت الزيتون ونجمعو عجينتنا بالحليب دافي ونعجنوها مزيان وتكون العجينة رطبة

ونخليو العجينة ديالنا ترتاح ونوجدو الحشوة ديالنا

فمولينيكس كندير الربيع و الثومة ونطحنوهم

ونزيدو عليها مطيشة مقطعة على أربعة ونعاودو نطحنو كلشي مزيان

ومن بعد نجيبو مقلة نديرو فيها زيت الزيتون والخليط لي طحنا ونزبدو مركز الطماطم و الملح و الابزار و نخلطو كلشي مزيان ونحركوه مزيان لمدة 15 دقيقة

ونجيبو مقلة أخرى فيها الزيت البلدية و البصلة ديالنا لي قطعناها ونزيدو عليها الابزار و الملح ونبقاو نحركوها حتى تولي ذهبية وكنزيدو عليها الكفتة نزيدو التوابل ديالنا ونحركو مزيان ونفرتتو الكفتة ديالنا ومنخليو حتى قطعة كبيرة وملي كطيب الكفتة مزيان كنزيدو الفطر

نحطو العجينة ديالنا فوق سطح مرشوش بالطحين نقسموها على جوج

نسرحو العجينة ديالنا بالدلاك ونحولو نخليوها تبقا بشكل دائري

نخليو العجينة شوية طالعة فوق جناب ديال المول كنتقبو العجينة بفورشيطة و ندهنوها بصلصة الطماطم لي وجدنا فوقها قطع الفرماج

ومن بعد الكفتة و الفطر و فوقها الفرماج

نغطيوها بالكورة الثانية ديال العجينة نكونو طلقناها بالدلاك

نجمعو الجناب بفورشيطة أولا بصبعانك بالطريقة لي كتفضلي كندهنوها بالحليب من الفوق

ندخلوها الفران حتى طيب

وبالصحة و الراحة